Salzburg LA, Geh. Archiv IV/4 1/2, unfol. (Vermerk zu Ende des Reichsabschieds).

Dagegen zu vermerckhen, das all protestierend, auch ettlich ander, also auch die gehorsamen stett, den abschied nit angenumen, sonder darwidder, doch aus underschidlichen ursachen, protestiert haben. Und wengleich die zwispalt frid und rechtens erledigt, so wer doch diser abschid von den protestierenden nit angenomen worden, den[n] sy haben dagegen furgeben, das solchs den vorigen abschiden in vill weg zugegen und gar nit erschieslich der durgkhenhilf und anders halben.

Dieweil die kgl. Mt. nach verlesung des abschidts die protestierenden nit hören wellen, haben sy ir protestationsschrift [Nr. 409] in die maintzisch cantzley ubergeben, dergleichen die andern, so auch gegen disem abschied, die doch bei den gehorsamen stenden im reichsrath gesessen, gethan haben1.

Und wiewoll der saltzburgisch secretari der aller copeien begert, hat doch der maintzisch cantzler sollichs abgeslagen. Vermaint, es sey nit gepreuchig abzuschreyben; sich doch erbottn, an seinen gnedigsten herrn churfursten zu gelangen, und so ir kfl. Gn. solchs zuegeb, solch unserm gnedigen herrn von Saltzburg zuzuschigkhen.