Vertagung und Verlegung des für den 29. Juli nach Frankfurt einberufenen Kurfürstentags nach Regensburg. Beschluss der Kff. und des pfälzischen Vertreters, dem Ersuchen Ks. Maximilians II. nachzukommen und die Nachfolge im Reich zu klären. Aufforderung, zur Wahl eines röm.Kg. am Donnerstag, dem 27. Oktober, im Regensburger Dom persönlich zu erscheinen.

HStA Dresden, Ältere Urkunden, Nr. 11973 (unfol.Or. auf Pergament; mit Siegel) = Textvorlage. HHStA Wien, MEA, WuKA 6-2, fol. 464–465' (Konz., gerichtet an Kf. Jakob von Trier, in simili an Kf. Salentin von Köln; Aufschr.: Trier, Coln.) = [B]. GStA PK Berlin, I. HA Geheimer Rat, Rep. 10, Nr. Kk 2 Fasz. A, fol. 281–282' (Kop., gerichtet an Kf. Johann Georg von Brandenburg; Überschr.: Citation zur waal.) = [C]. GStA PK Berlin, VII. HA, Mark als Reichsstand, Nr. 182 (Or., gerichtet an Kf. Johann Georg von Brandenburg). LHA Koblenz, Bestand 1A, Nr. 9704 (Or., gerichtet an Kf. Jakob von Trier). HStA München, Kurpfalz Urkunden, Nr. 72 (Or., gerichtet an Pfgf. Ludwig). HHStA Wien, MEA, WuKA 6-2, fol. 466–467' (Konz., gerichtet an Kg. Rudolf von Böhmen); ebd., fol. 468–469' (Konz., gerichtet an Pfgf. Ludwig).

Dem hochgebornen fürsten, herrn Augusto, hertzogen zu Sachsen, des Heiligen Romischen Reichs ertzmarschalcken und churfürsten, landtgraven in Doringen und marggraven zu Meissen etc., unserm besondern lieben freundt und brudern1, empieten wir Daniel, von Gottes gnaden des heiligenn stuels zu Maintz ertzbischoff, des Heiligenn Romischen Reichs durch Germanien ertzcanntzler unnd churfurst etc., unnser freundtlich dienst unnd was wir liebs unnd guetts vermögen allezeitt zuvora, unnd füegen e.L. freundtlich zuwissen, alß wir e.L. unnd andere unnsere mittchurfursten vermöge unnd innhalt zwuschen unns allerseitz uffgerichter brüderlicher ainigung2, fürnemblich aber von kunfftiger des Heyligen Reichs administration neben andern desselben obligenn, so inn berhatschlagung getzogen werden möchten, in gemainer churfürstlichen versamblung collegialiter zuerwegen unnd zuberhatschlagen, b–erstlich gehn Franckfurtt am Main uff den neunundzwantzigsten Julii und aber auß erheblichen ursachen ervolgten prorogation und translation alhier ghen Regenspurg–b,3 beschrieben unnd erfordert, auch auff dieselbig e.L. neben unns diß ortts erschienen, die handlung zu solcher collegialversamblungc in berhattschlagung genommend, in dem der allerdurchleuchtigist, großmechtigist, unüberwindtlichst furst unnd herr, herr Maximilian der annder, erwölter romischer kaiser, zu allen zeitten mherer des Reichs, in Germanien, zu Hungern unnd Behaimb konig, ertzhertzog zu Osterreich, hertzog zu Burgundi etc., graff zu Habspurg, Flandern unnd Tyrol etc., unnser allergenedigister herr, alhie zu Regennspurg, beywesen e.L., unnserer und anderer churfursten zugegen, auch anstatte des hochgebornnen fursten, herrn Friderichsf, pfaltzgraffen bey Rheing, des Hl. Röm. Reichs ertztruchsassen unnd churfursten, hertzogen in Bairn, h–der auch hochgeborn furst pfaltzgraff Ludwig–h etc., sambt irer Liebden innhaltt deßwegen sonderbaren habennden gewalts zugeordenten, ein anpringen, vorberürtte kunfftige administration und vorsehung des Heiligen Reichs betreffen, gethani. Derwegen dan auch nachmals rhatschlag unnd handlung durch unns allerseitts sambt unnsers mitt churfursten, des pfaltzgraffen, gewalthabern fürgangen und gemainlich und einhelliglich dahinj geschlossen unnd vorglichenn, das es rhatsamb, nutzlich unnd guett, dieser zeitt aller fürbrachter unnd bewogener umbstendt halb zu der election unnd whal eines romischen konigs vortzugehen. Sölchem einhelligem beschluß unnd vorgleichung nachzusetzen, thuen wir demnach aus pflicht unnd gepuer unnsers ertzcanntzler amptz e.L.k–vorkunden unnd sy hiemitt–k erfordern unnd haischen, das sie l–uff donnerstag, den siebenundzwantzigisten dieses gegenwerttigen monats Octobris, früer tagtzeitt umb sieben uhrn–l alhie zu Regenspurg in der thumbkirchen und dartzu verordentem ortt personlich erscheinenm und daselbst ein romischen konig neben unnsn, unnsern mitt churfursten und der anwesenden pfaltzgrafischen gewalthabigen beschließlicho erkiesen helffen wölle, one das unnd da e.L. gemelter maßen nitt erscheinen, würdet nitt destoweniger in der gedachten sachen endtlich volnfaren werdenp, darnach sich e.L. zurichten. Unnd des zu urkundt haben wir unnser groß innsigel an diesen verkundungsq brieff wissenntlich thun hengken.

Regensburg, Kurmainzer Herberge, 22.10.1575.