Colmar AM, AA 75, 65, unfol. (Ausf.).

Befürchtung, dass einige seiner bisherigen Schreiben samt den Beilagen nicht oder nicht rechtzeitig angekommen sind. Überblick über seine bisherige Berichterstattung und die in Kopie mitgeschickten Aktenstücke.

Item, es sint ouch die verordenten personen von dem 26. Aprilis an biß uff dise stund fur und fur byein vor- und nachmittag; die handt sich schon in dem articul, die iustification belangend, verglichen und sint jetzund, als man sagt, in dem articul der menschensatzung, darin die bapstler mit irem anhang noch mer zu weren und deßhalb vyl unruw und sorg handt, das sy den ouch verzetten. Gott woll es nach synem lob und ere und zu christlicher einigkeit richten, darumb mengklich bitten soll.

Am andern, gunstig hern, demnohe euer W. mir in dern schryben ouch der gemeynen rappenmuntzgnossen zwo missiven, an röm. ksl. und kgl. Mt. gestelt, sampt byligender instruction befelch gibt, demselbigen mit vlyß nachzekomen, da byn ich noch wol ingedenck, das euer W. mir und sonderlich durch myn hern, den obersten meyster, vor mynem abrytten befolhen, ein besonder uffmercken zu haben, ob man der muntz halben vermog des ußschrybens handlen, wurd vonnotten sein, sollichs den gemeinen muntzgnossen on vertzug zuzeschryben, damit man mich mit bystand zugesendter bottschaft oder zum wenigsten mit schriften versehen und berichten kont, was irenthalb by der röm. ksl. und kgl. Mtt. etc. furzepringen1. Diß ist ouch die hochst und entlich ursach, das ich euer W. diener, den Carln, gespart heimzuschicken, uff das ich in diser sach dester gruntlichern bericht wiste zu geben und zu empfohen. Dwyl mich aber euer W. in dem gescheft mit dern eigen botten furkomen, als die der gemeynen muntzgnossen sach lieber gefurdert dann versumpt gsehen, so hat es doch noch zur zytt nit fug noch platz, die geschriften zu ubergeben noch darin zu handlen; doch so will ich occasionem (als Got gonnet) nit ubersehen. Dann einmoln hat sich euer W. selbs zu erinnern uß der keyserlichen proposition, ouch derselbigen und der chur- und fursten und stend antworten und schriften, gegeneinander ergangen, das vor verglychung der stryttigen religionartigklen, ouch deß gemeinen christlichen glaubens und namens erbvygend, des Turcken halben, ichtzt gehandelt, sunst nichts furgenomen, sonder dem allen nohe erst zu den ubrigen deß reichs beswerden und handlungen, als gutter pollici und muntzordnungen uffzurichten, geschritten werde, darumb diß gescheft vor bequemer zytt nit wol zu handlen. Zudem so ist die röm. kgl. Mt. zu Regenspurg noch nit ankomen, wiewol die gantz schiff voll hußplunders und truchen, derglichen wyn und pier ingelegt, das man in hoffnung stadt siner zukunft. Datzwuschen will ich mich umsehen, wie diß gescheft am bequemsten zu tryben und handlend syg, wie ich dann sollichs den hern gemeinen mintzgnossen, dwyl mir die ein gemein schryben zukomen lassen, zu antzoigung meins dienstlichen willens, ouch euer W. zu sonderm gefallen und, gutten, nachpurlichen willen und fruntschaft zu furdern, zugeschriben und mich meins diensts erpotten. Hab ouch dasselbig schryben offen und unbeslossen gelassen, damit euer W. deß inhaltz wissen und demnohe verputscht ubersenden oder by handen hinderhalten mag.

Pferdegeschäfte. Bemühung um ein neues Pferd, deß ich ungeverlich biß Pfingsten [1541 Juni 5] wartend und in hoffnung byn, die richshendel sollen sich ungeverlich nach derselbigen zeyt bald enden werden. Zuletscht, gunstigk hern, hab ich mit dem Heintzlin von Nurnberg dru puchlin, von Hg. Heinrich von Brunschwig und dem Lgf. von Hessen ußgangen und uberantwort, heimgeschigt. Die wirt man in myner behusung funden. Zudem hab ich disem botten das vierd uffgeben, von dem Kf. von Saxen wider Bruntzwig ußgangen.

Im Hochstift Bremen sollen von den 4.000 vergarderten Landsknechten ungefähr 800 von Reitern und Bauern umgebracht worden sein. In Ungarn soll das angeworbene Kriegsvolk Ofen belagern. Gott der allmechtig woll euer W. in langwiriger gesuntheit frusten und mir vergonnen, das ich die all in gesontheit und syner gnaden befunden mog. Datum Regenspurgk, den achten des Meyens anno etc. 41.