/231’/ [19.6.] Kleiner und Großer Rat: Man wyl vorgenen dem Bf. van Trier, Babenberg und Trient, ouch Hg. Fridrich und Hg. Jörgen von Saxen und Hg. Albrecht [von Bayern] und voran kgl. Mt. vertruwen, zwuschen unß und dem Bf. zu handeln gütlich. Und was da in der gütlichait nit abweg ton möcht, was sy darin erkennen werden, da welle ain rait inen dieselben ardikel haimsetzen, in hoffnung, werden ainer stat Costenz burger gnadiglich bedenken, damit sy biainandern beliben mögen.1 

/234’/ [30.7.] Kleiner und Großer Rat: Ain raut wyl sich irer spenn komen uf kgl. Mt. und Hg. Fridrichen van Sagxen, under der Mt. H. Ernsten van Wälden, H. Pauls [von Liechtenstein], Hertegen Fuchs und Dr.[Konrad] Butinger. Und wyl ain ratz den frävel hindanseczen und im die strafen, es sig burgerlich ader pinlich, vorbehalten. Dann sy das ye wolten herbracht haben, dem vertrag2 unverleczlich; ob er [= Bf. Hugo] vermainte, dz man ine des frävels halb unrecht täte, wolte man im, sover ain raut des erfordert wurd, ains rechtens sein.

Konstanz, 19. Juni/30. Juli 1507.

Konstanz, StdA, B I, Bd. 25, fol 231’, 234’.